DUFTKER

Duftker – inn í eilífðina

Falleg umgjörð um jarðneskar leifar ástvina okkar jafnt manna sem dýra. Kerin eru úr postulíni, ýmist með loki úr sama efni eða íslensku birki. Þau eru misjöfn að lögun en flest þeirra ganga út frá eggforminu sem ég tengi við upphaf nýs lífs. Sum kerjanna eru glerjuð með kristallaglerungi sem minna helst á frostrósir eða stjörnuþoku sem mér finnst einnig hæfa vel hlutverki kerjanna. Kerin eru misjöfn í stærð og taka frá hálfum desilítra upp í 4.5 lítra.